Kamboca Səhiyyə Nazirliyi H5N1 quş qripi virusu ilə insanların yeni yoluxması barədə məlumat verib.

"Unikal" xəbər verir ki, bu barədə ölkənin səhiyyə nazirliyi məlumat yayıb. Kambocanın cənub-şərqində yerləşən Tbonq Khmum əyalətindən olan 6 yaşlı uşağın H5N1 quş qripinə yoluxduğu təsdiqlənib. Xəstə yaxından tibbi müşahidə altındadır və lazımi müalicə alır.

Nazirlik bildirib ki, yeni hadisə ilə Kambocada 2025-ci ildə beş ölüm də daxil olmaqla ümumilikdə 13 insan quş qripi hadisəsi qeydə alınıb.