“Uşaqların sosial mediadan qorunmasına dair parlament qanununu ən mütərəqqi hadisə kimi qiymətləndiririk. 94% valideyn eyni mövqeyi bölüşürdü”.

"Unikal" xəbər verir ki, bunu Milli Məclisin İnsan hüquqları komitəsinin sədri, deputat Zahid Oruc Xarici müdaxilələrə və hibrid təhdidlərə qarşı müvəqqəti komissiyasının “Rəqəmsal inkişaf, süni intellekt və uşaqların sosial şəbəkə platformalarındakı zərərli təsirlərdən qorunması” mövzusunda təşkil etdiyi ictimai müzakirədə deyib.

Komitə sədri bildirib ki, bu, xalqdan gələn çağırış idi, əslində xalqın qəbul etdiyi qanun idi: "Arzulayıram ki, uşaqlar o qanunun qəbulu zamanı bizi izləməsinlər. Çünki birdən belə ictimai dinləmələrə baxsalar, görəcəklər ki, salonda 52 nəfər var, mən saydım və onun 80%-nin gözləri telefonda idi. Böyüklərinin özünü də rəqəmsal sistemlərdən qorumaya dair qanunlara ciddi ehtiyacımız var”, - deyə komitə sədri qeyd edib.