Sərdar Cəlaloğlu-Sülhəddin Əkbər davası
Sərdar Cəlaloğlu-Sülhəddin Əkbər davası
ADP sədri yeni partiyanın adına görə məhkəməyə müraciət edəcək

"Azərbaycanda "Siyasi partiyalar haqqında" qanun var, iki partiyanın eyni abreviatura ilə qeydə alınması və ifadə olunması qadağandır. Çox güman ki, Azad Demokratlar Partiyası Ədliyyə Nazirliyinə qeydiyyat üçün müraciət edən zaman onların adı ADP yox, AzDP olacaq". Bunu Azərbaycan Demokrat Partiyasının (ADP) sədri Sərdar Cəlaloğlu söyləyib.
S. Cəlaloğlu deyib ki, əgər Ədliyyə Nazirliyi Azad Demokratlar Partiyasını da ADP abreviaturası ilə qeydiyyata alarsa, məhkəməyə müraciət edəcəklər: "Çünki qanun var. Qanunu kim poza bilər? Bəzi məsələləri subyektiv həll edə bilmərik". Qeyd edək ki, iyulun 6-da Azad Demokratlar Partiyasının təsis qurultayı keçirilib və Sülhəddin Əkbər partiyanın sədri seçilib.