Baş Qərargah rəisi: "Azərbaycan ordusunun şəhid verməsi ürəyimizi sızladıb"
Baş Qərargah rəisi: "Azərbaycan ordusunun şəhid verməsi ürəyimizi sızladıb"
Necdət Özəl: "Prosesləri izləyirik"

"Azərbaycan və Ermənistan arasında baş verənləri izləyirik".
Bu sözləri Türkiyə Silahlı Qüvvələrinin Baş Qərargah rəisi, ordu generalı Necdət Özəl deyib.
"Son həftələrdə Qarabağ cəbhəsində Ermənistan işğalçı siyasətini yenidən nümayiş etdirərək milli ordumuzun əsgərlərini şəhid etdi. Prosesləri izləyirsinizmi?" - sualına N. Özəl belə cavab verib:
"Azərbaycan ordusunun şəhid verməsi ürəyimizi sızladıb. Şəhidlərimizə Allahdan rəhmət diləyirəm. Gülhanə Hərbi Tibb Akademiyamıza göndərilən yaralılar bizə əmanətdir, bizim daimi nəzarətimizdədir. Azərbaycanın müdafiə naziri ilə lazımi yazışmaları aparır, gərəkli məsləhətləşmələri edirik. Bir daha şəhidlərimizə Allahdan rəhmət diləyirəm".