Sağlıqlı və təhlükəsiz bir uşaq otağı hazırlamaq üçün diqqət etməli olduğunuz bəzi qaydalar var. Unikal.org lent.az-a istinadən valideynlərə həmin qaydaları təqdim edir.

- Pəncərəli, işıq alan, havalı bir yer olmalıdır. Oksigen və D vitamini ehtiyacı üçün bunlar vacibdir.

- Gecə lampası olmalıdır, çünki uşaqlar qaranlıqdan qorxa bilərlər.

- Uşağın rahat yata bilməsi üçün səssiz olmalıdır.

- Döşəmələri toz və kirin asanlıqla görüldüyü, parket və ya laminant kimi asanlıqla təmizlənə bilən materialdan olmalıdır.

- Taxta mebellər alınmalıdır. Çünki taxta mebellər hava sirkulyasiyasını təmin edir.

- Uşaq otağı valideynlərinin otağına yaxın olmalıdır ki, səsini asanlıqla eşidə biləsiniz.

- Yatağı otaqdakı bütün digər əşyalardan və pəncərə kənarından uzaqda olmalıdır.

- Arasından çıxmaması üçün yatağın çubuqlarının arası 6 sm-dən geniş olmamalıdır.

- Yatağın dörd yanı uşağın boyundan hündür olmalıdır ki, dırmaşıb çıxa bilməsin.

- İçində geyim və bezlərinin olduğu bir şifoner olmalıdır.

- Elektrik naqilləri əli çatmayacaq qədər gizlədilməlidir.

- Şkafların qapaqlarına qoruyucu taxılmalıdır.

- Otaqda kənarları iti əşyalar olmamalıdır.

- Rahatlıq verdiyi üçün daha çox pastel tonlu rənglərdən istifadə olunmalıdır.

- Gecələr karbondioksit miqdarını artıracağı üçün bitki qoyulmamalıdır.