Orxan Nadirov: "Boş söhbətdir"
"Mərhum İlhamə Quliyevanın hüquqi varisləri bacıları İradə və Gülbahardır. Məhkəmə sərvətin bölüşdürülməsi ilə bağlı onların xeyrinə qərar çıxarıb.
Unikal.org modern.az-a istinadən məlumatına görə, bunu mərhum xalq artisti İlhamə Quliyevanın yaxın qohumu müğənni Əli Mirəliyev deyib.
O, İlhamə Quliyevanın sərvətinin hüquqi varisləri haqqında danışarkən "oğulluğu Orxan İlhamənin heç nəyidir deyib.
Ə.Mirəliyevin sözlərinə görə, məhkəmənin qərarından soran varislik və sərvət iddiasına son qoyulub.
"Orxan İlhamə Quliyevanın heç nəyidir. Mən isə İlhamə Quliyevanın dayısının kürəkəniyəm. Məsələn mən o işdə kiməm ki, sərvədə iddialı olum...
İlhamə Quliyeva sadəcə olaraq mənə inanırdı və məni çox istəyirdi. Amma bu o demək deyil ki, mən sərvətə hüquqi varis olmalıyam. Hər inanılan adam varis ola bilməz. Hüquqi varislik statusu İlhamənin bacılarındadır-deyə Əli Mirəliyev bildirib.
Xatırladaq ki, xalq artisti İlhamə Quliyeva vəfat edəndən sonra onun oğulluğu Orxan Nadirov, bacıları və yaxın qohumları arasında varislik və sərvət qalmaqalı qopmuşdu.
Unikal.org xəbər verir ki, bu məsələ ilə bağlı Lent.az-a açıqlama verən O.Nadirov belə bir məhkəmə qərarının olmasına inanmır: "Əgər belə bir məhkəmə olsaydı mən mütləq bunu bilərdim. Vəkilim bütün prosesi izləyir. Boş söhbətdir".
