"Azərbaycan vətəndaşlarının Türkiyədə, İranda və digər ölkələrdə müalicə olunması səhiyyəmizin vəziyyətinin acınacaqlı olduğunu göstərir.
Bu fikirləri Unikal.org-a Azərbaycan Demokrat Partiyasının sədri, ixtisasca həkim olan Sərdar Cəlaloğlu deyib. Onun sözlərinə görə, hazırda Azərbaycan səhiyyəsində islahatlardan və inkişafdan danışmaq olmaz:
"Hər
hansı bir ölkədə dövlət həyatını, ictimai sferanı ayrı-ayrılıqda müzakirə etmək
olmaz, çünki bunlar hamısı bir-biri ilə sıx əlaqəlidir. Azərbaycan səhiyyəsi də
ölkə iqtisadiyyatının, təhsilinin, sosial sahənin vəziyyətindədir. Hesab edirəm
ki, səhiyyəmiz də hazırda böhranlı vəziyyətini yaşayır. Səhiyyənin təşkili və
idarə edilməsində çox ciddi qüsurlar var. Azərbaycan vətəndaşlarının Türkiyədə,
İranda və digər ölkələrdə müalicə olunması səhiyyəmizin durumunun acınacaqlı
olduğunu göstərir. Baxmayaraq ki, Azəraycan səhiyyəsinin vəziyyəti dünya
standartlarına oxşardı, ancaq pullu xidmət dünyada ən yüksək vəziyyətdədir. Bu
da onun korrupsioner bir sistemə çevrildiyini göstərir. Bir sözlə Azərbaycan vətəndaşlarının
hərbi hüquqi və.s təhlükəsizliyi təmin olunmadığı kimi sağlamlıq hüquqları da təmin
olunmur.
Səhiyyədə irəliləyişdən islahatdan danışa bilmərik. Problemlərin həlli istiqamətində iş görmək üçün külli miqdarda vəsait lazımdır. Bu da ölkədə iqtisadi həyatın saflaşdırılmasını tələb edir.
Həsən Babayev