Bakının Nəsimi rayonu, Azadlıq prospektində yerləşən yaşayış binasında uçqun olub.
Unikal.org azvision.az-a istinadən bildirir ki, binanın 3-cü mərtəbəsində balkon uçub. Hadisə yerinə Fövqəladə Hallar Nazirliyinin xilasediciləri və təcili tibbi yardım maşını cəlb edilib.
FHN əməkdaşlarının AzVision.az-a verdiyi məlumata görə, aramsız yağışlar nəticəsində binanın 3-cü mərtəbəsindəki balkonun beton piltələri su çəkib və nəticədə çöküb. Eyni zamanda binanın 2-ci mərtəbəsindəki balkona ciddi ziyan dəyib.
Hadisə nəticəsində xəsarət alan olmayıb.
Sakinlərin sözlərinə görə, uçqun olan bina köhnə olduğundan bundan öncə də belə hadisələr baş verib.
.jpeg "Bakıda yanacaq daşıyan tanker aşdı- FOTOLAR")
.jpg)
