Lerik rayonunda dağ uçqunu baş verib, yol kəsilib.
Unikal.org report-a istinadən xəbər verir ki, hadisə Lerik-Qosmalian-Kəlvəz avtomobil yolunun 10-cu kilometrliyində "Dağlar qapısı deyilən ərazidə baş verib. Yolun hərəkət istiqamətinin təxminən 50 metr məsafəsi böyük qaya parçaları ilə örtülüb. Xoşbəxtlikdən uçqun zamanı xəsarət alan olmayıb. Ancaq hərəkət dayanıb və 150-dən artıq avtomobil yolda qalıb.
Lerik rayon fövqəladə hallar komissiyasının sədri Habil Məlikov əraziyə yol-istismar idarəsinin texnikaları və canlı qüvvəsinin səfərbər olunduğunu bildirib. O qeyd edib ki, bu yol rayon mərkəzi ilə 50 yaşayış məntəqəsini birləşdirən əsas yoldur.
![](http://report.az/storage/news/4c5526dbb294ba00351fbb13394778e3/4e353bd7-76e4-4bd7-9053-8d529924eb13_640.jpg)
![](http://report.az/storage/news/4c5526dbb294ba00351fbb13394778e3/377c9017-875b-4a35-ad17-6919391a4b5c_640.jpg?1477650322138)
![](http://report.az/storage/news/4c5526dbb294ba00351fbb13394778e3/9715a30e-43cb-4487-a147-9653d4e775f3_640.jpg?1477650352818)
![](http://report.az/storage/news/4c5526dbb294ba00351fbb13394778e3/7f107f7a-ab5b-4720-bee4-33556a6ab71a_640.jpg?1477650378553)