Mosul azad edilən kimi, kürdlər müstəqillik elan etmək üçün hərəkətə keçəcək.
Unikal.org atv.az-a istinadən bildirir ki, İraq Kürd Muxtariyyətinin baş naziri Nəçirvan Bərzani bunun üçün Bağdaddakı rəsmilərlərlə danışıqlar aparacaqlarını bəyan edib. Alman mediasına müsahibə verən Bərzani Mosuldakı İŞİD terrorçularının xeyli sayda kamikadzeyə sahib olduğunu irəli sürüb.
Mosulun 3 ay ərzində terrorçulardan təmizlənəcəyini diqqətə çatdıran kürd rəsmisi bundan sonra Kürdüstanın müstəqilliyi üçün leqal prosesə start verəcəklərini bildirib. Bərzani ABŞ-ın İraqı işğal etməsindən sonra ölkədə demokratik bir dövlətin formalaşacağını düşündüklərini, ancaq bunun baş vermədiyini deyib.
