Müğənni Natavan Həbibi geyim tərzindən danışıb. 

Unikal.org Axşam.az-a istinadən xəbər verir ki, sənətçi "Hər şey daxil" verilişində brend libaslara üstünlük vermədiyini bildirib: "İllərdir mənə baxıb geyinənlər var. İndi bir az brendlərə əlləri çatdığına görə, keçmişi unudublar. Mən onlardan deyiləm. Zövqü, dəbi nəzərə alıb yaşayıram. Uşaqlıqdan anam bizdə zövq formalaşdırıb. Mən də, bacım da ucuz bir geyimi elə sintez edə bilərik ki, çox gözəl görünər. Heç vaxt demədim ki, bahalı geyinəcəm. Həmişə dedim ki, özümə yaraşanı geyinəcəm. Elə tədbirlər var ki, ora mütləq brend geyinməli, brilliant taxmalısan. Bunu da edirəm".

N.Həbibi əynindəki libaslardan da bəhs edib: "Ayaqqabımı 1700 manata almışdım. Paltarımı mən yox, bacım alıb. Türkiyədə məşhur bir marka var. Orada ərəb xanımları üçün gözəl geyimlər olur. Bütün şeyxlərin xanımları o mağazadan alış-veriş edir. Bu canlığı oradan almışam. Taxdıqlarım isə brilliantdır".