Müğənni İzzət Bağırzadə imicini dəyişib.

Unikal.org məlumatına görə, geyim tərzində yenilik edən sənətçi xeyli arıqlayıb.

İ.Bağırzadə "Hər şey daxil" verilişində bildirib ki, arıqlamağına səbəb yeni filmidir:

"Yanvarda yeni filmimin çəkilişlərinə başlayacam. Ssenari özümə aiddir. Neçə gündür gecələr də yatmıram, başım hazırlıq işlərinə qarışıb. Aktyorlarla danışdıq, heyət hazırdır. Məhərrəmlikdə ancaq filmlə məşğul oldum, ssenarisini yazdım, çapa verdim. Filmdəki obrazıma görə də arıqladım".

İ.Bağırzadə necə arıqladığını da açıqlayıb:

"Heç bir dietoloqla çalışmıram. Mən onların işini bəyənmirəm. Gündə cəmi bir dəfə - axşam saat 6-da yemək yeyirəm".