SOCAR tərəfindən bu ilin noyabr ayında dövlət büdcəsinə 116 milyon 193 min manat vəsait ödənilib. 

SOCAR-ın mətbuat xidmətindən Unikal.org-a bildirilib ki, ümumiyyətlə cari ilin yanvar-noyabr aylarında büdcəyə 1 milyard 266 milyon 365 min manat vəsait ödənilib.

Bundan əlavə, bu ilin noyabr ayında SOCAR Dövlət Sosial Müdafiə Fonduna 12 milyon 381 min manat vəsait köçürüb. Bu göstərici ötən ilin noyabr ayı ilə müqayisədə 1 milyon 192 min manat və ya 110,7 faiz çox olub. Ümumiyyətlə cari ilin yanvar-noyabr aylarında şirkət tərəfindən Dövlət Sosial Müdafiə Fonduna ödəniş 131 milyon 751 min manat təşkil edib ki, bu da ötən ilin analoji dövrü ilə müqayisədə 5 milyon 141 min manat və ya 104,1 faiz çox olub.