Rusiya birjasında ticarət sessiyasının açılışında müsbət dinamika müşahidə olunur. 

MMVB indeksi 2235,81 bəndədək yüksələrək növbəti tarixi rekordu müəyyənləşdirib.

RTS 2014-cü ilin maksimumuna çataraq 1137,37 bənd səviyyəsində qərarlaşıb.

Ticarət sessiyasının açılışında dolların məzənnəsi 62 rubl səviyyəsindən aşağı enərək 61,49 rubla çatıb. Beləliklə, rubl cari ilin oktyabrın 25-də qeydə alınan maksimumu yeniləyib.

Avronun məzənnəsi isə 64,95 rubla enib. Sonuncu dəfə avronun bu qədər ucuzlaşması 2015-ci ilin iyulun 30-da qeydə alınıb.

Rublun möhkəmlənməsinə səbəb neftin kəskin bahalaşmasıdır.

Xatırladaq ki, bu gün Brent markalı neftin qiyməti ötən ilin iyulundan etibarən ilk dəfə 57 dollar həddini ötüb.