Rusiyalı idmançı Rəsul Mirzəyevə sui-qəsdin yeni təfərrüatları məlum olub.

Unikal.org xəbər verir ki, Life nəşrinin məlumatına görə, cinayətkarlar sambo üzrə dünya çempionunun ayağını sındırmaq və onu zəncirlə boğmaq istəyiblər.

"Hücum edən şəxslər Rəsulu boğmaq istəyiblər, idmançı müqavimət göstərə bilib. Hadisə yerini tərk edəndə cinayətkarlar mənzildə tapança və zəncir qoyublar. Onlar Rəsulun pullarını oğurlayıblar. Ehtimal var ki, hücum edən şəxslər evdən həmçinin qızıl zinət əşyalarını da götürüblər, - nəşrin mənbəsi məlumat verib.

Güman edilir ki, qarışıq döyüş növləri üzrə (MMA) martın 25-də ABŞ-ı təmsil edən gürcü Levan Makaşvili ilə keçirilməli olan döyüşün baş tutmaması kimlərinsə istəyinə uyğundur.

Qeyd edilir ki, hazırda Rəsul Mirzəyev əməliyyat olunub və onun həyatına heç bir təhlükə yoxdur.

 Dünən yayılan məlumatda dağıstanlı döyüşçünü yaşadığı binanın yaxınlığında güdmüş naməlum şəxslərin onun üz nahiyəsinə pnevmatik tapançadan bir neçə dəfə atəş açdıqları, sonra isə beysbol bitası ilə döydükləri bildirilmişdi.