SOCAR-ın vitse-prezidenti Süleyman Qasımovun qazın qiyməti ilə bağlı açıqlaması sosial şəbəkələrdə geniş müzakirələrə səbəb olub. O, qeyd edib ki, manatın dollara nisbətən məzənnəsinin aşağı düşməsi səbəbindən SOCAR-ın zərəri yaranır. Vətəndaşlar bu açıqlamanın qazın qiymətinin yenidən artırılacağına hesablandığı qənaətindədir.
S.Qasımovun məlum açıqlaması ilə balğı tanınmış iqtisadçı ekspert Vüqar Bayramov Unikal.org-a bildirib ki, indiki məqamda qazın qiymətinin artırılması ciddi sosial və iqtisadi problemlər yarada bilər: "Çünki, bir müddət əvvəl qazın qiymətinin differensiallaşdırılması ilə bağlı Tarif Şurası qərar verdi. Qısa müddət sonra qiymətə yenidən baxılması istər sosial, istərsə də iqtisadi baxımdan məqsədəuyğun deyil. SOCAR qazı "Şahdənizdən xarici valyuta ilə alır. Bu səbəbdən manatın dollar qarşılığında dəyər itirməsi qazın alışı zamanı əlavə xərclər yaradır.SOCAR qazı baha alıb ucuz satdığı üçün bu istiqamətdə dövlətin kompensasiya mexanizminin olması məqsədəuyğundur. Dolların manat qarşılığında bahalaşması fonunda qazın alışı zamanı xərcin kompensasiya edilməsi mexanizmi də işlənib haızrlana bilər. Bu da gəcələcəkdə kommunal xidmətlərin qiymətinə yenidən baxılmamasına səbəb olar.
