Azərbaycan və Cibuti arasında münasibətlər artıq uzun illərdir ki, daimi inkişaf mərhələsindədir. 

Unikal.org-un məlumatına görə, bunu Azərbaycan XİN-in rəhbəri Elmar Məmmədyarov Cibuti XİN rəhbəri Mahmud Əli Yusiflə birgə mətbuat konfransında deyib.

Nazir bildirib: "Cibuti Dağlıq Qarabağ münaqişəsində həmişə Azərbaycanın mövqeyini dəstəkləyib".

E.Məmmədyarov Cibuti Parlametinin Xocalı soyqırımını qınayan deklorasiya qəbul etməsini xüsusi vurğulayıb.

E.Məmmədyarov bildirib ki, Dağlıq Qarabağ məsələsi ilə bağlı görüşlərə optimist yanaşmır: "Ermənistanlı həmkarım da çıxışlarında yer qoymur ki, nə isə müsbət bir şey müzakirə edək.

Nazir həmçinin mart ayında Rusiyaya səfər edəcəyini bildirib:

"Səfər zamanı Rusiya xarici işlər naziri Sergey Lavrov ilə, Nazirlər Kabinetində, Dövlət Dumasında görüşlər keçirilməsi planlaşdırılır". 

E.Məmmədyarov həmçinin Rusiya Xarici İşlər Nazirliyinin Diplomatik Akademiyasında mühazirə oxuyacaq.