"Azərbaycan Hava Yolları QSC-nin (AZAL) dünən yerinə yetirilməli olan "R2 8844 saylı Bakı-Moskva aviareysində gecikmə qeydə alınıb.
Unikal.org xəbər verir ki, AZALJET reysinin gecikməsinə səbəb "Boing 767 tipli təyyarədə texniki nasazlığın yaranması olub.
Belə ki, dünən qrafikə uyğun olaraq Moskvaya saat 23:10-da çatması nəzərdə tutulan təyyarə Bakıdan saat 20:00-da yola düşməli idi. Lakin texniki nasazlıq aradan qaldırıldıqdan sonra uçuş saat 21:56-da yerinə yetirilib. Təyyarə Moskvaya saat 00:38-də çatıb.
Qeyd edək ki, AZALJET-lə sözügedən istiqamətə birtərəfli biletin qiyməti 49 avro, ikitərəfli biletin qiyməti isə 98 avrodan başlayır.