Keçən ilin iyun ayında Ermənistanın Artik rayonunda seldən ziyan çəkən kəndlilərə bu günədək normal kompensasiya verilməyib. Buna görə də onlar dağılmış evlərini, təsərrüfatlarını bərpa edə bilmirlər. Səbəb Ermənistan hökumətinin ödədiyi məbləğin onlara dəymiş ziyanı aradan qaldırmağa kifayət etməməsidir.

Erməni kəndlilər dəymiş ziyanın obyektiv qiymətləndirilməsi və buna uygun kompensasiya ödənilməsi üçün müvafiq dövlət qurumlarının qapılarını döyürlər. Lakin onların müraciətlərinə baxan tapılmır.

"Bizə deyirlər ki, nə verilib onunla kifayətlənməlisiniz, əsas işlər bizim üzərimizdə qalıb.- deyə etiraz edən kəndilər yaxın vaxtlarda rayonun mərkəzində toplaşacaqlarını bəyan ediblər.

Xatırladaq ki, 24 iyun 2016-cı ildə adıçəkilən bölgədə qar suları küçələrə, evlərə dolaraq kəndlilərə ciddi ziyan vurub. Evləri, heyvanları, bir sözlə, bütün əmlakları məhv olan kəndlilər Ermənistan hökuməti tərəfindən onlara ayrılan vəsaitin azlığından şikayətlənirlər.