Azərbaycan 2017-ci ildə xarici ölkələrdəki ticarət nümayəndəliklərinin saxlanılması üçün 3,7 milyon manat vəsait ayıracaq.

Unikal.org-un trend-ə istinadən məlumatına görə, bu, Milli Məclisin plenar iclasında bu gün qəbul olunmuş "2017-ci il dövlət büdcəsi haqqında qanuna dəyişikliklərdə nəzərdə tutulur.

Dəyişikliklərə əsasən, bu vəsaitlər dövlət büdcəsindən İqtisadiyyat Nazirliyinə ayrılacaq.

Xatırladaq ki, bu ilin əvvəlindən Azərbaycan Rusiyada, Çində və BƏƏ-də ticarət nümayəndəlikləri açıb. İl ərzində digər ölkələrdə də ticarət nümayəndəliklərinin açılması gözlənilir.