"Ölkəyə idxal edilən bütün heyvandarlıq məhsullarına, eləcə də quş ətlərinə nəzarət olunur, məhsullar idxal edildikdən və laboratoriya müayinəsi aparıldıqdan sonra istifadə olunur.
Unikal.org xəbər verir ki, bu barədə Dövlət Baytarlıq Nəzarəti Xidməti (DBNX) Ukraynadan "Qualiko əmtəə nişanı adı altında ölkəyə idxal edilən dondurulmuş toyuq ətlərinin tərkibində normadan artıq zərərli baytarlıq preparatların aşkarlanması ilə bağlı məlumatlarla münasibət bildirərkən deyib.
Qurumdan bildirilir ki, respublikaya idxal olunan bütün heyvan, heyvan mənşəli, o cümlədən toyuq məhsullarının hamısı qanunvericilikdə nəzərdə tutulan müvafiq sənədlərin ekspertizası aparıldıqdan və məhsul idxal olunduqdan sonra laboratoriya müayinəsi aparılır. Səhiyyə Nazirliyinin 30 aprel 2010-cu il tarıxli, 25 saylı əmr ilə təsdiq edilmiş "Qida məhsullarının təhlükəsizliyinə və qida dəyəliliyinə gigiyenik tələblər sanitariya-epidemioloji qaydalar və normativlərə əsasən heyvan mənşəli məhsulların laboratoriya müayinəsi həyata keçirilir.
"Qida məhsullarının təhlükəsizliyinə və qida dəyəliliyinə gigiyenik tələblər sanitariya-epidemioloji qaydalar və normativlərə uyğun olaraq ölkəyə idxal edilən bütün heyvan mənşəli və quşçuluq məhsulları mikrobioloji, toksiki elementlər, antibiotiklər, pestisidlər, hormonal preparatların qalıq miqdarı və radionuklitlər görə yoxlanılır. Aparılan müayinələrin nəticəsinə əsasən həmin məhsullarda heç bir əlavə, normadan artıq baytarlıq preparatları, insan orqanizmi üçün zərərli qalıq maddələr aşkar edilməmiş və bütün göstəricilər Səhiyyə Nazirliyi tərəfindən təsdiq edilmiş "Qida məhsullarının təhlükəsizliyinə və qida dəyəliliyinə gigiyenik tələblər sanitariya-epidemioloji qaydalar və normativlərinə uyğun olub.
Məlumatda qeyd olunur ki, məhsullarda nəmliyin yoxlanılması isə Səhiyyə Nazirliyinin 30 aprel 2010-cu il tarıxli, 25 saylı əmr ilə təsdiq edilmiş "Qida məhsullarının təhlükəsizliyinə və qida dəyəliliyinə gigiyenik tələblər sanitariya-epidemioloji qaydalar və normativlərində nəzərdə tutulmayıb.
