Bakı Dövlət Universitetində Qafqaz Universitetlər Birliyinə (KÜNİB) daxil olan ali təhsil ocaqlarının rektorları və BDU-nun professor-müəllim heyətinin iştirakı ilə görüş keçirilib.
Unikal.org-a daxil olan məlumata görə, tədbiri açan rektor, akademik Abel Məhərrəmov Qafqaz Universitetlər Birliyi tərəfindən təşkil olunan "KÜNİB 2016-cı il Təhsil Sərgisi" nin əhəmiyyətindən danışıb, BDU-nun beynəlxalq əlaqələrindən, Türkiyə ali təhsil ocaqları ilə qurulmuş uğurlu əməkdaşlıqdan bəhs edib. Bildirib ki, Türkiyənin 30-dək universitetinin nümayəndəsinin iştirak etdiyi bugünkü görüş əlaqələrin davamlı xarakter daşımasına böyük zəmin yaradacaq. Tədbirdə iştirak edən universitetlərin əksəriyyəti ilə əməkdaşlıq əlaqələrinin olduğunu deyən rektor daha səkkiz ali təhsil müəssisəsi ilə memorandumun imzalanacağını diqqətə çatdırıb.
Qafqaz Universitetlər Birliyinin qurucu başqanı, Ərdahan Universitetinin rektoru Ramazan Qorxmaz yenidən Bakı Dövlət Universitetində olmaqdan məmnunluqlarını ifadə edib, dövlətlərarası dostluq, qardaşlıq münasibətlərindən danışıb, BDU ilə Birliyə daxil olan universitetlərin əməkdaşlığını yüksək qiymətləndirib.
Görüşün sonunda Türkiyənin Ərdahan, Bursa Orhan Qazi və daha altı ali təhsil ocağı ilə anlaşma memorandumu imzalanıb. İmzalanma mərasimindən sonra qonaqlar universitetin Heydər Əliyev Muzeyi və Nanoaraşdırmalar laboratoriyasında olublar.
1. Abant İzzet Baysal Universiteti
2. Ahi Evran Universiteti
3. Bursa Orhangazi Universiteti
4. Mardin Artuklu Universiteti
5. Sanko Universiteti
6. Siirt Universiteti
7. Ardahan Universiteti
Abant İzzət Baysal Universitetinin rektoru professor Hayri Coşqun, Ahi Evran Universitetinin Vatan Qaraqaya, Burhan Orhanqazi Universitetinin Rəcəp İləri, Hitit Universitetinin rektoru Reha Metin Alkan Qafqaz Universitetinin rektoru Sami Özcan Mardin Artuklu Universiteti Ahmet Ağırakça, Nevşehir Haci Bektaş Veli Universitetinin rektoru Filiz Qılıc Sanko Universiteti Əhməd Sınav , Siirt Universitetinin rektoru Murad Erman
.jpeg)
.jpg)
