Bu gün güclü külək Daşkəsən rayonunda ciddi fəsadlara səbəb olub.

 
 Unikal.org APA-ya istinadən bildirir ki, Daşkəsən rayon Fövqəladə Hallar Komissiyasının sədri Cavanşir Qocayev deyib ki, güclü külək rayonda 15-dən çox yaşayış binasının dam örtüyünü uçurub.

 

"Bu gün səhərdən başlayaraq rayon ərazisində güclü küləlk əsib. Külək daha çox rayon mərkəzi, Xoşbulaq, Əmirvar və Qarahəsənli kəndlərinə ziyan vurub. Güclü külək səbəbindən rayon mərkəzində iki hündürmətbəli binanın dam örütyü taxta konstruksiyalarla birlikdə uçub. Bundan başqa, Xoşbulaq kəndində tibb mənqətəsinin, Qarahəsənli kəndində isə məktəb binasının dam örtüyünə ziyan dəyib", - deyə C.Qocayev vurğulayıb.