Binəqədi rayon icra başçısı Xaləddin İsgəndərov vəzifəsindən azad edilib.

Unikal.org "Qafqazinfo"ya istinadən xəbər verir ki, X.İsgəndərov hazırda kollektivlə vidalaşır, qurumda təhvil-təslim aparılır.

Başçının səlahiyyətləri birinci müavini İlqar Süleymanova həvalə olunub.

Qeyd edək ki, yaxın saatlarda bu barədə prezident sərəncamının yayımlanacağı gözlənilir.

***

Binəqədi rayon icra hakimiyyətinin başçısı Xaləddin İsgəndərov tutduğu vəzifədən azad olunub. Bu haqda prezident İlham Əliyev sərəncam verib. Artıq Xaləddin İsgəndərov işçilərlə vidalaşıb.

Unikal.org xəbər verir ki, Xaləddin İsgəndərov "Yeni Müsavatın əməkdaşı ilə söhbətində xəbəri təsdiqləyib: "Xəbər düzdür. Artıq işsizəm. Yığışıb gedirəm evə.

Yeni bir vəzifəyə təyinat alıb-almaması ilə bağlı suala o, "heç bir vəzifəyə təyinat almamışam cavabı verib.

Xaləddin İsgəndərov Binəqədi rayon icra hakimiyyətinin başçısı postuna 2012-ci ilin aprelində təyinat almışdı. O, bir müddət əvvəl vəzifəsindən kənarlaşdırılan vergilər naziri Fazil Məmmədovun yeznəsidir. F.Məmmədov ötən ilin dekabr ayında işdən çıxarılandan sonra X.İsgəndərovun da tezliklə vəzifədən uzaqlaşdırılacağı haqda mətbuatda yazılar gedirdi.