Mayda qardaşını itirən əməkdar artist Suğra Bağırzadə ağır günlər yaşadığına görə bir müddət ekrandan və yaradıcılıqdan uzaq düşəcək.

Unikal.org  yenicag.az-a istinadən xəbər verir ki, açıqlama verən aktrisa buna görə filmlərdən də imtina edib:

"Bir müddət yaradıcılıq fəaliyyətimə fasilə verəcəm. Film təkliflərindən də imtina etmişəm. Çünki indiki halda səhhətimi düşünürəm. Qardaşımın ölümü məni sarsıtdı, özümə gələ bilmirəm. Dostlar, yaxınlar dəstək olur, amma ağıl ürəyə tabe deyil. Sabah 40 mərasimidir, hələ də onun yoxluğu ilə barışa bilmirəm. Mənə çox ağırdır".