Rusiyanın İdman Nazirliyinin keçmiş rəhbəri Boris İvanüjenkovun oğlu Moskvada, Podolski ərazisindəki dayanacaqda iki şəxsi vurub.
Unikal.org xarici mediaya istinadla xəbər verir ki, səhər 7 radələrində keçmiş nazirin 22 yaşlı oğlu BMV ilə gedərkən "Skoda"nı ötmək istəyib, amma idarəetməni itirib və dayanacağa istiqamətlənib. Orada isə yol nişanını qırıb, daha iki piyadanı isə vurub. Hazırda xəsarət almış piyadalar xəstəxanaya yerləşdiriliblər. Polisin məlumatına görə, eks-nazirin oğu 2 il azadlıqdan məhrum edilə bilər.
Boris İvanüjenkov 1999-2007-ci illərdə İdman naziri olub.
Baş verən qəzanın videosu isə artıq sosial şəbəkələrdə yayılıb.
