Tanınmış yumorist və aktyor Fərda Xudaverdiyev giley-güzar eləyib.
Unikal.org Publika.az-a istinadən xəbər verir ki, "Top kimi" şousunun aparıcısı başqasının əməyini mənimsəyən insanlara səslənib: "Hansısa məkanda çıxış edirsən, yaxud da konsert verirsən, dərhal gizlin yolla həmin çəkilişi sosial şəbəkədə yerləşdirib, reytinq, həm də pul qazanmağa çalışırlar. İmkan vermirlər ki, həmin çəkilişdən özün pul qazanasan. Elə insanlara üzümü tutub demək istəyirəm ki, heç olmasa, imkan verin biz də Türkiyənin məşhur aktyorlarının dolanışıq səviyyəsinə çataq, sonra nə istəyirsiniz, eləyin. Zəhmət çəkib, min bir əziyyətlə şirkətlərdən maliyyə əldə edib, konsert veririk, dərhal çəkib sosial şəbəkdə yerləşdirirsiniz".
