"Sevgi qürur sevməz. Əsl sevgi varsa, mümkün deyil onu gizlətmək. Sənə elə gəlir ki, qürurlanırsan, bildirmirsən, özünü əymirsən. Amma gözlərdən oxunur, mümkün deyil".

Unikal.org-un məlumatına görə, bu sözləri əməkdar artist Könül Kərimova "Şou ATV" verilişində deyib. Sevgidən danışan müğənni göz yaşlarını saxlaya bilməyib:

"Uzun illər əvvəl mənə sual verdilər ki, niyə sevirsən? (ağlayır) Dedim ki, bilmirəm. Niyə sənə əziyyət verir, amma sevirsən? Əgər birini sevməyinin səbəbini bilirsənsə, yalandır. Sevginin səbəbi yoxdur. Sevgini sözlərlə yox, baxışla anlayıram. 

Dastan danışmaq olar, amma sevgi o, deyil. Üzbəüz gəlirsən, nə mən, nə o dinməz. Sevginin izahı və ünvanı yoxdur. Hərdən deyirlər ki, kimdir o? Deyirəm, mən illərdir onu axtarıram".