Hazırda Rusiyada həbsdə saxlanılan jurnalist və hüquqşünas Fuad Abbasovun durumu kritikliyini qoruyur.

Unikal.org xəbər verir ki, bu barədə açıqlamasında onun vəkili Elman Paşayev məlumat verib. Onun dediyinə görə, jurnalist ciddi nəzarət altındadır: “Onu qatı cinayətkarların saxladığı kamerada saxlayırlar. Hər addımı nəzarətdədir. Hər yer müşahidə kamerasıdır. Mənə də onunla görüşü xüsusi müşahidə kamerası olan kabinetdə verdilər”. 

Vəkil xatırlatdı ki, F.Abbasov mayın 20-də döyülməsi, fiziki və mənəvi zorakılığa məruz qalması ilə bağlı İstintaq Komissiyasına, eləcə də Moskva prokuroruna müraciət edib. O, istintaq təcridxanasına girəndə döyülməsi ilə bağlı müayinədən keçirilməsini tələb etsə də, bundan imtina edilib: “Ona deyilb ki, buna ehtiyac yoxdur və hər şey keçib gedəcək. Hazırda Fuad birnəfərlik kamerada oturub. Bu da kobud qanun pozuntusudur”.