“Normand dördlüyü” ölkələri liderlərinin xarici siyasət üzrə müşavirləri bir ay ərzində Ukrayna və Rusiya arasında hərbi əsirlərin mübadiləsini həyata keçirməklə bağlı razılığa gəliblər.
Unikal.org “RİA Novosti”yə istinadən verdiyi xəbərə görə, bu barədə Ukrayna prezident administrasiyasının rəhbərinin müavini Vadim Pristayko bildirib.
Onun sözlərinə görə, döyüşlərin dayandırılması, Luqansk və daha iki öncədən razılaşdırılmış ərazinin minadan təmizlənməsi ilə də bağlı razılığa gəlinib.
Qeyd edək ki, “Normand dördlüyü” ölkələrinin dövlət başçılarının müşavirlərinin görüşü iyulun 12-də Fransanın paytaxtı Parisdə keçirilib.
