65 saylı Saatlı-Sabirabad-Kürdəmir seçki dairəsindən deputat seçilmiş, Milli Məclisin Səhiyyə komitəsinin sədri akademik  Əhliman  Əmiraslanov bu gün  Parlamentdə vətəndaşları növbəti dəfə qəbul edib.

Unikal.org xəbər verir ki, qəbulda həm səhhətindəki müxtəlif problemlərin həlli ilə bağlı Səhiyyə komitəsinə müraciət edən  vətəndaşlar, həm də Əhliman Əmiraslanovun deputat seçildiyi 65 saylı Saatlı-Sabirabad-Kürdəmir seçki dairəsindən olan seçicilər  iştirak edib.  Müraciət edən vətəndaşlar  xroniki xəstəliklərin müalicəsi, müxtəlif ağır cərrahi əməliyyatlar və s. üçün komitə sədrindən köməklik istəyiblər.

Seçicilər  əsasən sosial problemlər,  işlə təmin olunma ilə bağlı müraciətlərini deputata çatdırıblar. Əhliman Əmiraslanov bütün müraciətləri ayrı-ayrılıqda dinləyərək qeyd edilən problemlərin həlli istiqamətində müvafiq addımlar atılacağını bildirib.