Azərbaycanda koronavirus xəslərinə bir gün üçün çəkilən xərcin miqdarı açıqlanıb.
Unikal.org xəbər verir ki, Nazirlər Kabineti yanında Operativ Qərargahın növbəti brifinqində İcbari Tibbi Sığorta üzrə Dövlət Agentliyinin sədri Zaur Əliyev bildirib ki, bu rəqəm 80 manat -150 manat arası dəyişir:
“80 manat yüngül, 150 manat ağır xəstələr üçün çəkilən xərcdir. Amma, bu rəqəm dəyişən rəqəmdir. Bu rəqəm yalnız mart ayı üçün hesablanıb. Aprel ayı üçün də bu rəqəm hazırlanır. Xərclərə yemək, istifadə olunan dərmanlar, geyim, maska, həkimlərə verilən əmək haqları daxildir”.
