Ötən həftə ölkə gündəmini zəbt edən «qız qaçırma» olayı ilə bağlı təfərüatlar bəlli olub. Belə ki, hələ ötən ay Space Tv-də yayımlanan «Gəl dərdini danış»da çıxış edən ailə qızlarının zorla Nurlan adlı şəxs tərəfindən qaçırıldığını iddia etmişdi. Ailə verilişdə Şəhanənin hazırlığa getdiyini, bu il imtahan verəcəyini bildirmişdi. Amil Xəlil ilə birbaşa efirdə danışan Şəhanəni qaçıran Nurlan yalnız aparıcının gəlməsi ilə müsahibə verəcəyini bildirmişdi.
Unikal.org xəbər verir ki, ötən gün çəkiliş qrupu Bərdənin Alpout kəndində olub. Məlum olub ki, birinci verilişdən sonra bir çox dövlət qrumlarının nümayəndələri kənddə olub və Şəhanə ilə görüşlər keçirib. Lakin sonuncu ictimaət üçün müsahibə verməyib. Verilişdə danışan Şəhanə anasının və atasının ona şər atdığını, artıq yorulduğunu bildirib. «Mən Nurlanı sevirəm. Atam ötən verilişdə deyir ki, qızım xəstədir. Bəs xəstə qızı 3 ildir niyə hazırlığlara göndərirdi? Məni burada zorla saxlamırlar. Neçə aydır burdayam, nə bacım nə də qardaşım zəng edib halımı soruşmur. Buradan ailəmə son olaraq səslənirəm. Məni rahat buraxın. Ya gəlin mehriban olaq, ya da imkan verin xoşbəxt olum. Mən sizi çox istəyirəm. Amma siz məni başa düşmədiniz» deyə Şəhanə bildirib
Nurlanda Amil Xəlilə açıqlama verərək 2-3 dəfə evli olmadığını, sadəcə 1 dəfə 3 günlük evlilik həyatının olduğunu bildirib. «Haqqımda yazdırırlar ki, güya 3 dəfə evli olmuşam. Xeyir, bir dəfə evli olmuşam. 25 yaşım var. İlk evliliyim demək olar ki, 3 gün çəkdi. Mən Şəhanəni sevirəm. Ailəsi razı olmadığı üçün qaçırtdım. Könüllü olaraq»
Qayınata Ramiz bəyin açıqlaması ilə maraqla qarşılanıb. «Nurlan Şəhanəni qaçıranda , gəlinimin ailəsi bizə gəldi. Nə qədər çalışsaq da razılaşmadılar. Onlar evi tərk edəndə Şəhanənin atasına dedim ki, sənə kişi sözü verirəm, onlar hələ ki, dost kimi yaşayacaqlar. Sən «hə» deyənə kimi. Ər-arvad münasibətləri olmayacaq. Sözümün üstündə dururdum. Amma bu günə kimi. Bu efir vasitəsi ilə deyirəm, daha bu gündən sözümün üstündə durmuram» deyə Ramiz bəy bildirib.
