10 minə yaxın nümayişçi hökumətin təklif etdiyi qənaət tədbirlərinə etiraz etmək üçün Fransa şəhərlərinin küçələrinə çıxıb.

"Unikal" xəbər verir ki, bu barədə Daxili İşlər Naziri Bruno Retayo LCI televiziyası tərəfindən yayımlanan brifinqdə bildirib.

Nazir qeyd edib ki,  artıq 58 nəfər həbs edilib.

***14:00

Fransa hakimiyyəti sentyabrın 18-də ölkə üzrə təxminən 900 000 etirazçı, Parisdə isə 50 000 ilə 100 000 arasında nümayişçi gözləyir.

"Unikal" xəbər verir ki,  bu barədə "Le Figaro" nəşri məlumat dərc edib. 

"Bir neçə yüz, hətta minlərlə radikalın döyüşmək və məhv etmək üçün həmkarlar ittifaqı kortejinə soxulmaq niyyəti barədə məlumatlar var”, - Paris polisinin rəhbəri Loran Nunes nəşrə bildirib.

Məlumata görə, həmkarlararası nümayiş Parisdə, Bastiliya meydanında saat 14:00-da başlayacaq. Fəallar Respublika meydanından keçib, sonra isə Millət meydanına doğru yürüş etməyi planlaşdırırlar. Polisin nümayiş marşrutu boyunca yerləşən müəssisələrə göndərdiyi elektron məktubda onların zorakı qrupların hədəfinə çevrilə biləcəyi barədə xəbərdarlıq edilib.

Bu gün səhər saatlarında Fransa polisi etiraz aksiyaları zamanı iğtişaşlarla bağlı artıq 44 nəfəri saxlayıb. Onlardan 7-si Paris ərazisində həbs edilib.

Xatırladaq ki, sentyabrın 14-də Fransa Fermerlər İttifaqları Milli Federasiyası (FNSEA) Yelisey sarayı administrasiyasına qarşı nümayişə çağırıb. Fermerlərin planları Avropa İttifaqının Cənubi Ümumi Bazar (MERCOSUR) ilə razılaşmasını hədəfləyir. Konkret olaraq, onlar ABŞ prezidenti Donald Trampın sanksiya siyasətindən narazıdırlar.

Gülayə Mecid