Hər il olduğu kimi bu il də millət vəkili Novruz Aslanov ənənəvi olaraq İsmayıllı rayonu üzrə yüksək bal toplayaraq ali məktəblərə qəbul olan tələbələrə xüsusi hədiyyələr təqdim edib.
Unikal.org xəbər verir ki, avqustun 10-da Novruz Aslanov İsmayıllı şəhərində yerləşən ofisində növbəti qəbulunu keçirib.50-dən çox insanın iştirak etdiyi qəbulda millət vəkili sakinləri maraqlandıran məsələlərlə maraqlanıb, onları dinləyib. Fərdi qaydada qəbul edilən sakinlərə öncədən sanitar-epidemioloji qaydalar barədə məlumat verilib və lazımi gigiyenik tədbirlər həyata keçirilib. Qaldırılan məsələlər əsasən sosial yönümlü olub.
Günün ikinci yarısı Hacıhətəmli kəndində “kəndlərdə idmanı inkişaf etdirək” layihəsi çərçivəsində Novruz Aslanov, İsmayıllı rayon İcra Hakimiyyətinin başçısı Nahid Bağırov, millət vəkili Rauf Əliyev, AFFA-nın və rayonun idman idarəsinin məsul şəxslərinin iştirakı ilə tədbir keçirilmişdir. Tədbirdə Hacıhətəmli kəndinin gənclərinə AFFA tərəfindən 50 ədəd idman forması və 30 ədəd futbol topu hədiyyə edilmişdir.
