Çinin Tsinxay əyalətinin sakinləri yeraltı təkanların olmasından sonra səmada göz qamaşdıran işığın şahidi olublar.

Unikal.org xarici KİV-ə istinadən xəbər verir ki, insanlar məsələnin nə olduğunu anlamadan küçələrə qaçıblar, lakin  həmin anları kameralara əks etdiriblər.

Məlumata görə, daha sonra Çinin Seysmoloji Mərkəzi ərazinin üstündən bir meteoritin uçduğunu bildirib. Səma cismi Yuyşu şəhərindən 40 kilometr aralıda adamsız əraziyə düşüb.

İtki və dağıntının olmadığı bildirilir. Alimlər dağlarda səma cisminin qalıqlarını axtarmağa başlayıblar.