Roma papası Fransisk Milad bayramı münasibətilə ənənəvi nitqində Qarabağ məsələsi və koronavirus pandemiyasına toxunub.

Unikal.org xarici KİV-ə istinadən xəbər verir ki, pandemiyaya görə çıxışını həmişəki kimi Əziz Petros Meydanında deyil, Apostol Sarayında edib.

Koronavirus pandemiyası ilə mübarizədə vaksinasiya məsələsinə toxunan Roma papası hazırda hamının eyni gəmidə olduğunu bildirib və vaksinlərin əlçatan olması üçün bütün ölkə başçılarına və səhiyyə sistemi əməkdaşlarına çağırış edib.

Qarabağ və Ukraynanın şərqindəki hərbi əməliyyatlar barədə danışan papa Fransisk atəşkəsin qorunmasının və qan tökülməsinin dayandırılmasının sabit şəkildə davam etməsini vacib sayıb.

Suriya, Liviya və Yəməndəki münaqişələrə toxunan papa bütün silahlı toqquşmaların uşaqların həyatı və xoşbəxtliyi bahasına baş gəldiyini xatırladıb.