Kanadanın Britaniya Kolumbiyası əyalətində anomal istilər nəticəsində 800-dən çox insan həyatını itirib.

Unikal.org xarici KİV-ə istinadən xəbər verir ki, bu barədə ölkənin yerli kanalı əyalətin məhkəmə tibb xidmətinə istinadən məlumat yayıb. 

Məlumata görə, 25 iyun - 1 iyul tarixləri arasında havanın temperaturu 40 dərəcəni keçib və bunun nəticəsində əyalətdə 808 nəfər anomal havanın qurbanı olub.

Ən çox ölüm sayı (300 nəfər) 29 iyun tarixinə təsadüf edib. İtkilər, əsasən, təqaüdçülər arasında qeydə alınıb.