Rusiya Qara Dəniz Donanmasının gəmisi olan "Admiral Essen" Türkiyədəki ən son hərbi texnikaların müdafiə sərgisində iştirak edəcək.
Unikal.org xəbər verir ki, bu barədə Qara Dəniz Donanmasının mətbuat xidməti bu gün məlumat yayıb.
"Hərbi Dəniz Qüvvələrinin Aralıq dənizi işçi qüvvəsinin bir hissəsi olaraq vəzifələri yerinə yetirən Qara Dəniz Donanmasının "Admiral Essen" adlı ekipajı, bəzi Rusiya şirkətlərinin iştirak etdiyi "IDEF-2021" müdafiə sənayesi sərgisində iştirak etmək üçün İstanbula yola düşüb", - deyə mətbuat xidmətindən bildirilib.
Qeyd olunub ki, sözügedən sərgidə təyyarələr, xüsusi avtomobilləri izləyə bilən texnika, hava hücumundan müdafiə sistemləri, artilleriya silahları və qabaqcıl atıcı silahlar nümayiş etdiriləcək.
Ağarza Elçinoğlu
