Türkiyənin Zonquldak ərazisində 67 yaşlı Murat Kuranı 9 dəfə güllələyərək öldürən Ərdoğan Kösepınar  törətdiyi  cinayəti etiraf edib.

Unikal.org xəbər verir ki, 2020-ci ildə baş verən cinayətin üstü tam bir ildən sonra açılıb. Belə  ki, məhkəməyə gətirilən  55 yaşlı Ərdoğan Kösepınar özünü  "İmam  Mehdi" kimi təqdim edib.

O,insanların buna inanmadığını, hətta onun "Dəli" adlandıranlarını şeytan deyərək öldürüb. Zonquldak sakini olan Murat Kuran da bunun qurabnı olub. O, keçən ilin oktyabrında  Almaniyadan kəndinə  gəlib. Gəldiyi ilk günlərdən Ərdoğanla arasında nifaq yaranıb. Murat həmkəndlisinin "İmam Mehdi" olduğuna inanmayaraq, irad bildirib. Bundan sonra Ərdoğan, Muratı  "şeytan" adlandırıb.  Bu səbəblə də, Ərdoğan Muratın evinə  gedərək,  ona 9 dəfə  atəş açıb.  Murat Kuran hadisə yerindəcə keçinib.

Ərdoğan Kösepınar isə polis  tərəfindən saxlanılıb. O,  dəfələrlə  sorğu edilsə də,  cinayəti bir ildən sonra etiraf edib. 

Gülayə Mecid