Haitinin cənub sahillərində sərnişin qayığının qəzaya uğraması nəticəsində azı 20 nəfər həlak olub.

Unikal.org-un məlumatına görə, bu barədə EFE agentliyi yerli hakimiyyətə istinadən bildirib.

Məlumata əsasən, ölənlər arasında iki azyaşlı var. Hadisənin baş verdiyi ərazinin sakinləri bir neçə nəfəri xilas ediblər.

İlkin versiyaya görə, gəmi həddindən artıq yüklənib, çünki göyərtədə çoxlu miqdarda yük, xüsusən də sement kisələri olub.