Şamaxı rayon icra hakimiyyətinin başçısı Asif Məmmədov vəzifəsindən azad olunub.
Bu barədə jurnalistlərə açıqlmasında YAP icra katibinin müavini Siyavuş Novruzov bildirib. Onun sözlərinə görə, prezident İlham Əliyev bununla bağlı müvafiq sərəncam imzalayıb. Sərəncamın yaxın saatlarda dərc olunacağı bildirilir.
Siyavuş Novruzov bildirib ki, bu proses davam edəcək: "Kim vəzifə səlahiyyətlərindən düzgün istifadə etməsə, vəzifəsindən çıxarılacaq".
Unikal.org-un məlumatına görə, Şamaxıya təyin olunan yeni başçının kimliyi də artıq bəllidir. Belə ki, bu şəxs ARDNŞ-in şöbə müdiri Asif Ağayevdir. Prezidentin bu barədə sərəncamının axşam saatlarından açıqlanacğı gözlənilir.
