Daxili İşlər Nazirliyi Ağsu şəhərində zibil qutusundan tapılan döl ilə bağlı daha bir açıqlama verib. 

DİN-in Mətbuat Xidmətinin Şəki regional qrupundan Unikal.org-a bildirilib ki, noyabrın 3-də Ağsu şəhərində məişət tullantılarının atıldığı ərazidə döl aşkarlanması barədə polisə məlumat daxil olub:

“Daxil olmuş məlumatla əlaqədar həmin əraziyə baxış keçirilib və döl oradan götürülərək ekspertizaya göndərilib. 

Keçirilən tədbirlərlə həmin qadın müəyyən edilib və o, Ağsu Rayon Polis Şöbəsinə dəvət olunub. Qadın bildirib ki, döl 3 aylıq olub. O, izahatında səhhəti ilə əlaqədar uşaq dünyaya gətirə bilmədiyini və ailəsinin də razılığı ilə bu yola əl atdığını bildirib. 

Hazırda araşdırmalar davam etdirilir və nəticədən asılı olaraq, məsələyə hüquqi qiymət veriləcək”.

***

13:04

Ağsu şəhərində döl tapılıb. 

Unikal.org Oxu.Az-a istinadən xəbər verir ki, döl şəhər ərazisində yerləşən zibil qutusuna atılıb.

DİN-in Mətbuat Xidmətinin Şəki regional qrupundan bildirilib ki, noyabrın 3-də Ağsu şəhərində məişət tullantılarının atıldığı ərazidə dölün olması barədə Polis Şöbəsinə məlumat daxil olub:

“Daxil olmuş məlumatla əlaqədar həmin əraziyə baxış keçirilib və döl götürülərək müvafiq ekspertizaya təqdim edilib. Hələlik dölün kim tərəfindən atıldığı məlum deyil və faktla bağlı Ağsu Rayon Polis Şöbəsində araşdırma aparılır”.