Millimetr dalğalarının istifadəsi iki saniyə ərzində səthlərdə olan koronavirus və poliovirusun 99 faizini öldürə bilər.

"Unikal" xəbər verir ki, İsrailin Ariel Universitetinin ekspertləri belə qənaətə gəliblər.

Mütəxəssislər uzunluğu birdən on millimetrə qədər olan radiodalğaların infeksiyaya təsirini tədqiq edərək, radiasiyanın patogenləri iki saniyəyə öldürə biləcəyini müəyyən ediblər. Alimlər qeyd edirlər ki, belə dalğalar temperaturu yüksəltməyə qadirdir. Bu da onlara virus hissəciklərini öldürməyə imkan verir.

Həmçinin, yeni üsul müxtəlif səthlərdə, məsələn, avadanlıq və digər texnologiyalarda istifadə üçün uyğundur. Tədqiqatın müəllifləri bu üsulun insan orqanizmində infeksiyaya qarşı mübarizədə istifadə oluna biləcəyinə şübhə ilə yanaşırlar. Lakin eyni zamanda, onun daha sürətli işlədiyini qeyd edirlər. Bildirirlər ki, cəmi iki saniyə ərzində virus hissəciklərinin 99,8 faizi məhv edilir.