Dünyanın bir çox ölkəsi koronavirusun yeni "Omikron" variantının yayılmasına nəzarət etmək üçün mübarizə aparır. 

"Unikal" xəbər verir ki, dünyanın üçüncü ən böyük iqtisadiyyatı olan Yaponiya xarici ziyarətçilərin ölkəyə girişini qadağan edib. Bu barədə Yaponiyanın Baş naziri Fumio Kişida məlumat yayıb. 

"Yaponiya bu gündən etibarən sərhədlərini bütün əcnəbilər üçün bağlayacaq", - deyə  Kişida  bildirib. 

Bildirək ki, əvvəlki variantlardan daha yoluxucu olan "Omikron" variantı ilk dəfə Cənubi Afrikada ortaya çıxıb. Daha sonra Avstraliya, Belçika, Botsvana, İngiltərə , Kanada, Danimarka, Fransa, Almaniya, Honq-Konq, İsrail, İtaliya, Hollandiya və Cənubi Afrikada aşkar edilib.  

Gülayə  Mecid