Gürcüstanda  Tbilisi Şəhər Məhkəməsi yaxınlığında etiraz aksiyası keçirilir.

"Unikal" “Sputnik Gürcüstan”a istinadən xəbər verir ki, aksiya zamanı iştirakçılarla polis əməkdaşları arasında qarşıdurma yaşanıb. Bir neçə iştirakçı mühafizə postunun üzərinə çıxıb. Bu zaman əllərində Gürcüstan, Ukrayna və ABŞ bayraqları tutan iki nəfər tikilinin damına çıxıb və aşağı enməkdən imtina edib. Onlar daha sonra tikilinin üstündən enəndə polislə qarşıdurma başlayıb.

Bildirək ki, məhkəmə binasının qarşısında M.Saakaşvilinin yüzlərlə tərəfdaşı var. Daxili İşlər Nazirliyinin müxtəlif bölmələri təhlükəsizliyi təmin etmək üçün həmin əraziyə cəlb olunublar. 

Qeyd edək ki,  hazırda Tbilisi Şəhər Məhkəməsində  Gürcüstanın keçmiş Prezidenti Mixail Saakaşvilinin məhkəməsinin keçirilir.