Avropa İttifaqına (Aİ) və Şərq Tərəfdaşlığına üzv ölkələrin liderləri Brüsseldə altıncı Şərq Tərəfdaşlığı sammiti üçün bir araya gəlib.

"Unikal" xəbər verir  ki, sammit Avropa Şurasının prezidenti Şarl Mişelin sədrliyi ilə keçirilib.  

Sammitdə  bir sıra məsələlər  müzakirə olunub.  Bununla yanaşı, Mişel Rusiya-Ukrayna münasibətini müzakirə  edib. 

Belə ki, Rusiyanın  Ukraynaya hücum edəcəyi təqdirdə ona çox sərt cavab veriləcəyini deyən  Şarl Mişel “NATO, G7, ABŞ, Böyük Britaniya, Aİ və Şərq Tərəfdaşlığı ölkələri olaraq Rusiyanın təhdidlərinə qarşı birlikdəyik. Ukraynaya qarşı hərbi hücum olarsa, bu, çox sərt cavab olacaq və bu hücumun səbəbkarı çox ağır bədəl ödəyəcək", -deyə  xəbərdarlıq edib.  

Qeyd edək ki, Belçikanın paytaxtı Brüsseldə Aİ Şurasının binasında keçirilən sammitdə şərq tərəfdaşları Azərbaycan, Ermənistan, Gürcüstan, Moldova Respublikası və Ukrayna iştirak edib. Belarus Şərq Tərəfdaşlığında iştirakını dayandırdığı üçün görüşlərdə iştirak etməyib.

Gülayə  Mecid