Xəbər verdiyimiz kimi, dünən Madaqaskarda hərbi helikopter qəzaya uğrayıb.

"Unikal" xəbər verir  ki, helikopterdə 4 nəfər, o cümlədən DİN naziri Serj Gelle olub.  Qəzaya uğrayan helikopter dənizə  düşüb.  Əraziyə xilasedici  qüvvələr  cəlb olunub.  Belə  ki, dənizdə axtarışlar aparılarkən,  nazir Serj Gelle sağ-salamat dəniz sahilində  tapılıb.  Məlum olub ki, o 12 saat üzərək sahilə çatıb. 

Serj Gelle xəstəxanaya yerləşdirilib. Madaqaskarlı nazir hadisə zamanı xəsarət almadığını, lakin soyuqqanlı olduğunu bildirib. O,helikopterin oturacağından istifadə edərək,  boğulmaqdan xilas olduğunu açıqlayıb. 

Bildirək ki,  57 yaşlı Serj Gelle 30 il polis işlədikdən sonra avqust ayında ölkənin DİN naziri seçilib.

Gülayə  Mecid