“Bu gün Azərbaycan vəkilliyi böyüyür, inkişaf edir. 113 nəfər yeni vəkilimiz bu gün and içir. Bununla da ölkədə vəkillərin sayı 2132 nəfərə çatacaq”.
"Unikal" xəbər verir ki, bunu jurnalistlərə açıqlamasında Vəkillər Kollegiyasının sədri Anar Bağırov deyib. Onun sözlərinə görə, ilk dəfə ölkə tarixində vəkillərin sayı 2100 nəfəri keçəcək:
“Eyni zamanda son illər ərzində vəkillik sahəsində böyük islahatlar aparılıb. Vəkillik müasirləşir, təkmilləşir. Artıq vəkillikdə vətəndaşlara elektron xidmətlər həyata keçirilir. Hazırda bütün vəkillərin elektron kabineti var".