"Yemək edə bilmirəm, vaxtım yoxdur buna. Evin sonbeşiyi olmuşam, bacılarım gözəl hazırlayıb. Mənim bişirdiyimi bəyənməzdilər. Deyirdilər, sən əl-ayağa dolaşma".
"Unikal" xəbər verir ki, bu sözləri Xalq artisti Brilliant Dadaşova "Həmin Zaur" proqramında deyib. Müğənni insanları az yeməyə səsləyib:

"Yemək bir şeydir, hər şey deyil. Yeməyə önəm vermək lazım deyil, bütün bəlalar yeməkdən gəlir: təzyiq, şəkər. Acından hələ heç kim ölməyib. Ancaq yeməkdən bütün xəstəliklər gəlir. Evdə axşam masanın üstündə şirnilər görəndə deyirəm ki, özünüzü o dünyaya bir addım yaxınlaşdırırsınız. Saat 6-dan sonra yeməyin, su için".